ខ្ញុំក្លាយជាប៉ាៗ គេហើយ :-)
នេះជាដំណឹងល្អសំរាប់ខ្ញុំ អាចនិយាយថាវាលឿនពេកសំរាប់ខ្ញុំ ព្រោះបើគិតមកទល់ពេលនេះពួកយើងរៀបការបាន ៧ខែល្មម។ កាលពីអាទិត្យមុននោះ សង្ស័យថាមាន ចឹងបានជាពួកយើងប្រើឧបករណ៍តេស្ត៍ទឹកនោម។ លទ្ធផលឃើញថាមានមែន មិនអស់ចិត្តក៍សាកល្បងម្តងទៀត លទ្ធផលគឺដដែល។ ខ្ញុំធ្លាប់បានសួរគេឯងអំពីឧបករណ៍នេះ គេថា “អាឧបករណ៍មួយនេះ វាមិនដែលកុហកយើងទេ តាវាថាមាន គឺមានហើយ” អូឃេ ចឹងចាំកាល ពួកយើងក៍ទៅជួបពេទ្យ ពីព្រឹកម៉ិញនេះដើម្បីឲ្យកាន់តែច្បាស់តាម្រ៉ង ដូចជានៅក្នុងស្ពត ទូរទស្សន៍គេថា “បាត់ភ្លាម…. ឲ្យប្រញ៉ាប់ទៅមណ្ឌលសុខភាព” ។ ខ្ញុំចូលទៅក្នុងបន្ទប់ពិនិត្យជាមួយប្រពន្ធខ្ញុំដែរ ព្រោះអន្ទះសារចង់ដឹងពេក។ អ្នកគ្រូពេទ្យ(មីងខ្ញុំ) ក៍សួរនាំពីអាការៈ ហើយគាត់ក៍ឲ្យប្រពន្ធខ្ញុំឡើងលើគ្រែឆ្លុះអេកូតែម្តងចុះ ព្រោះបានធ្វើតេស្ត៍ទឹកនោមខ្លួនឯងហើយ មិនបាច់ធ្វើម្តងទៀតទេ ពិនិត្យអេកូគឺរិតតែច្បាស់តែម្តង។ ហេហេហេ…. លទ្ធផលគ្មានខុសគ្នាអីទេគឺ “ខ្ញុំក្លាយជាប៉ាៗ គេហើយ” ។ អានេះបានរិតតែច្បាស់តែម្តង។ ក្នុងចិត្តភ័យអរៗជាខ្លាំង។ ខ្ញុំបានឃើញរូបកូនរបស់ខ្ញុំដែលទើបនឹងករកើតដំបូងនៅអាតិទ្យទី៨។ គេមានទំហំតូច ប្រហែល 35មីលីម៉ែតប៉ុណ្ណោះ។ អ្នកគ្រូពេទ្យ បានប្រើអេកូ (ប្រហែលជាអុលត្រាសោនហើយមើលទៅ) ស្តាប់ដល់បេះដូងរបស់គេទៀតផង។ លឺសូរ “ឌឹបៗៗ” ពិតជារំភើបមែនពេលបានលឺសំលេងបេះដូងរបស់ទារកតូចនោះ។ និយាយរួមខ្ញុំទទួលអារម្មណ៍ជាឳពុកគេបណ្តើរៗ ហើយ។ ហើយខ្ញុំក៍តែងតែចាំសំដី ប៉ាម៉ាក់ខ្ញុំធ្លាប់និយាយថា “នៅពេលដែលកូនឯង ធ្វើជាឳពុកម្តាយគេប្រាកដជាដឹងពីអារម្មណ៍នោះច្បាស់តែម្តង” ។ ក្លាយជាឱពុកម្តាយគេមិនមែនជាការស្រួលទេ មានរឿងជាច្រើនត្រូវប្រឈមមុខទៀត……
បន្ទះប្លាស្ទិកប្រើដើម្បីតេស្ត៍ មានឆ្នូតពីរចឹងបានន័យថា លទ្ធផលវិជ្ជមាន 
រូបភាពអេកូ ដុំពកតូចមួយនោះជាទារកដែលកំពុងករកើត គេមានអាយុ ៨អាទិត្យ និង ៥ ថ្ងៃហើយ
Estimated Date of birth: 16/09/2010
9 responses so far
អបអរផងណា៎បង! ^^ ស្ដាប់ទៅរំភើបដល់ហើយ!
អាប៉ិនេះគិតតែពីប្រយុទ្ធម៉ង តាំងពីការហើយ ហាហា
អេនីវេយ៍ខនក្រជូលេសិន!
មុនឯងទាល់តែបាន? ជូនពរ ជួយថែ ភរិយាផង ជាពិសេសអាគ្រឿង ជូរៗ នឹងក្រដាស់ជូតមាត់ ត្រូវមានជានិច្ច ។ ថ្នាំបញ្ជុះកំដៅ ជំនួសការងារខ្លះ ជាពិសេសការងារដែលមានខ្លិនខ្លាំង ព្រោះបង្កអោយចាញ់លឿនណាស់។
ត្រូវចេះយល់ចិត្តផង ព្រោះពេលចាញ់មួម៉ៅខ្លាំងណាស់៕
អោយពេទ្យពិនិត្យរាល់អាទិត្យ នឹងថ្នាំជាតិដែក ។ល។ ចង់បានពត៌មានបន្ថែម ទាក់ទង google ទៅ ខ្ញុំរៀនត្រៀម មុនអោយហើយ ហេហេ
អបអរសាទរបងឌិត!
ចុមយក្ស!! ហ្នឹងហ្នឹង… និយាយអាចឹង ភ្លាត់ស្នៀត ឬចង់បានមែនទែន ។ តាមមើលកំពូលអ្នកពិភពគុនដូចបងក្ឌិតប្រហែលមិនមែនភ្លាត់ស្នៀតទេ ហេហេ ចូលរួមរីករាយផងហ្នា៎ បងក្ឌិតចែម៉ុម!!
មែនហើយរចនាពិតជារំភើបមែនណា…. សំខាន់គឺ “Mission Completed” ហាហាហាហា :-p
ចំពោះថាលឿនពេកនោះគឺមកពី៧ខែ ធ្មេចបើកៗលឿនពេកហ្នឹង តឹមការង៉ៃនោះសោះ មិនមែនកំពូលពិភពគុណអីទេ ដំរីជើងបួនគង់មានភ្លាត់ទេ ចុះទំរាំខ្ញុំជើងតែបីចាញ់ដំរីមួយនោះ វាអាចដែរ!!!! កិកិកិ
គ្មានអ្នកណាប្រឹងអីម៉េសទេ ចាំវេនក្រភាក់ឯងចាំធ្វើចឹងទៅ ខ្ញុំល្មម ធម្មតាៗទេរ៉េផស់គេស្របច្បាប់ការមានចាស់ទំដឹងលឺពេញភូមិ ថីចុះ? ថ្មើរម៉ានក៍បានចឹងហើយ។ អេនីវ៉េ សេងឃ្ឈូ
បងគី បងឯងនៅយ៉ិនសិនពាន់ឆ្នាំហ្នឹងទៅខ្ញុំទៅមុនមួយជំហានហើយ ខ្ញុំសង្ស័យតែបងឯងគ្មានកើតទេមើលទៅបានជាយូរឆ្នាំហើយមិនឃើញមានដំណឹងអីសោះ ទៅពេទ្យឲ្យគេពិនិត្យខ្លះទៅល្បង អាណិតបងស្រីមែនតើ ហាហាហាហ…. ឬក៍មកពីបងឯងស្វិតពេក?? ចំពោះដំបូន្មាននោះខ្ញុំដឹងខ្លះៗដែរហើយ អរគុណចាំអនុវត្តន៍តាម។
អរគុណវុធី ម៉េចកាលបានចង់ផលិតដូចខ្ញុំដែរ???
ក្រដ្ឋ ខ្ញុំដឹងច្បាស់ថានឹងមានថ្ងៃណាមួយព្រោះមិនមានការការពារអីទេ ធម្មតាៗ Let it be… ពួកយើងគិតថាចាំបានមួយគ្រាន់ពរហើយចាំចេញយុទ្ធនាការផ្អាកការផលិត ហេហេហេហ តែមិនបិទឧស្សាហកម្មនឹងចោលទេ គ្រាន់តែរោងចក្រធ្វើការជាប្រក្រតី តែគ្មានសមិទ្ធផល
សូមចូលរួមអបអរសាទរ! តែកុំអរពេក! ខ្ញុំតឲ្យមួយសិនទេ…! :p
ជួយអបអរផងបងបណ្ឌិត! បែកគ្នាតែមួយឆ្នាំសោះ ស្រាប់តែក្លាយជាលោកប៉ាបាត់ទៅហើយ!
Congratulation ! You’re now an officially a BABA… kekeke